دستونک / ملا چمل
راهاں وتی دراهیں پتّو پیچاں پدءَ
وهدءَ تئے دستءِ دلءَ ریچاں پدءَ
ٹپاں مجن دستءَ منی گوں هازگیں
چو که دلءَ مرچاں سر ریچاں پدءَ
من گوں وتءَ یکجاه نهاں باور بکن
درداں چه تئے هنچو که گُد گیچاں پدءَ
چه برکتءَ نیادانی تئے ڈکّالیءَ
سرکشّ اِتگ هورءُ بهار میچاں پدءَ
ماں دیدگاں اشکیل کتگ دریایے من
بل که پتّو یک ترمپے اَرس ریچاں پدءَ
ماں دوزهیں درداں تئے مهرءِ پدءَ
آپءَ وتی آسءَ چو پِر ریچاں پدءَ
هر کندگءِ باپشتءَ کیت اِنت زهری ے
تئی سر بنیں سرماں چو گوریچاں پدءَ
اے دل چمل چو ترونگلینت مهراں بلے
سوتکگ غمءُ دردءِ اے اَگریچاں پدءَ
http://baluchestan.persianblog.ir/