دلـــبـــر
ٹـَهـلانی بــاگ ءِ پـُــلّ ئــے ، آتار ئــے هـــم زبـاد
زردانی هــســت ئـے زیـمـر ، هـم واهگ و مراد
جـنّـت ءِ سپاه و زیـب ئـے، بانـک ئـے درئمگوری
ساهانی ساه ئے زندءَ،مهرانی هست ئے ساد
شــپ بو ءَ چو زرئــے شپ ، زنــد ءِ تو ماهــکان
امـیـت ءَ چو بل ئـے تـو ، وهـدے که ژَند انت پاد
مهکان ءِ ماهی شیر ئے ،شرمءِ تو رنگ و سیاد
الـمـاس ءِ آپــرنـگ ئــے ، دادانی هست ئـے داد
زنـد ءَ که بـُنـزه ئـے تو ، ساهانی هست کـنـوک
زیــبــانـی تـو براه ئــے ، شـهــدانـی تـام و واد
مــهــر ءِ سـمـیـن ءِ بُـنـدات وش زیـمـلانی سـاز
تـُرنـد آپ ٹــیــلگاں پـه ، شـه تــرانــگاں مـاں یـاد
دنــیــا تــئــی نـشـان بــیــت ، دنــیــا تـرا پـه نام
نــازانی زات ئــے دلــبــر ، مــهــرانی هـم سواد
دلــبــر جـهـان ءِ سـاه انت ، مارشـت انت آزگیں
نـــود بـــــات واهــــگانی ، سَــؤنـا و پُـــل بالاد
شهـدانی گــواتـگراں ماں « تَهل » ءَ نه بیت راه
نــے ٹــَهــلانی پادبـرمش و هاک پاد ءَ بات سیاد
کریم بلوچ _ تـَهـل
23/07/10