کشتَگ اِش روچ ... بَلَی ... !Kushtag-ish roch ... balay

کشتَگ اِش  روچ ... بَلَی ... !Kushtag-ish  roch  ... balay
آفتاب را کشته اند ... امّا ... !
قد قَتلوا الشمسَ ... ولا کِن ...!
They have killed the sun ... but
::::::::::::::::::::::::::::::::::::::::::::::::::::::::::::::::::::

شعری در بلوچی از دکتر ملک طوقی A poem in Balochi / Baluchi by Dr. Malek Towghi
لهتین جاهان ... «« ت » یَِی  دو نقطوان اِی بَدلا (بدل ءَ) ... و (ءُ)  «د» و «ر» یَی سَرا (سر ءَ ) کسانین « ط » یی  پِر کَن اِت.

*** منی ای شَیر (شعر) ندر اِنت په بلوچ باهند ئَی ورنا ئین سروک دکتر الله نطر ءَ

::::: کُشتگ  اِش  روچ ... بَلَی ... :::::
KUSHTAG-ISH  ROCH ... BALAY
::::::::::::::::::::::::::::::::::::::::::::::

کشتگ اِش روچ
ءُ مَن نِشتگ ءُ سوگِیان
گون دِل ئَی پُلّان ... گیمُرتَگین
پَه وتی واهگان ... مُرتگین ، سُتکَگین
دروگ ءُ نازانتِیان ءُ ... شَتَل کارِیان
مرچی  پَهناتی  داتگ پَدا ... راستِیا
وایِ دروگ ءُ  شتل کاریین  مردان اِی بُرد
وایِ راستی ئَی چیری ءُ دروگ ئَی سَری
وایِ راستی ءُ راستان اِی ... کوند*ان کَپَگ
وایِ بی شوَانگی ... وایِ گارین رَمَگ
وایِ بی سوهَوِی
وایِ سر درگُمین ... اَمََّی  بَگّ ءُ گَلَگ
راستی ئَی گاری ءُ بی مرادی ئَی روچان اِی سَکّی پَه ما
ءُ شتلکاری ءُ دروگ ئَی بُردان اِی شَپشادِهی ... پَه شما
قرن کاینت ... گوَز  اَنت
مَن نَزانان که آخر سَران
کَتّ   پَه کَی  بِمانیت ... ءُ  واری  پَه کَی؟
تا اَبَد  دیم ئَی اِسپیتی...ءُ
گون شَرَف ... نامداری  پَه کَی ؟؟
ءُ ... تا اَبد
تاپگ ئَی سیاهی ءُ نام ئَی گاری پَه کَی ؟؟
من نزانان ... که واجه حُدا من نَیان
مَن  بَنی آدمان.
چو گوَش  اَنت  که:
بنی آدم ئَی آپ لُرد اِنت اَچ بُنزِها > The idea of an original sin
چو گوَش  اَنت که بنی آدما
آدم ئَی  ءُ  حوا یَی گناهان اِی
اوهی پِر  اِنت >> اوه = curse
تا اَبد اوه ئَی آماچ ...
اَمّا  بنی آدم  اِن
که هَر وهد ... شیطان ئَی راها گِر  اِن
ءُ  هِچبَر نه بَین رستگار
ءُ  ...  پاکدلین  زانتکاران اِی راهان نَه رَین.
کِبر  ءُ  نازانتیان اِی بلاه
اَچ هما بُندَرا
کَپتَگ اَنت مَی  سَرا
اَچ هما  بندرا
بارگین ... وَشرَوین  بور ... تَپّی ءُ پالام سرا *
ءُ  طلاهی این شیشار ءُ طوق اِنت
حر ئَی گردنا.
ای حبَر بلکین راست  اَنت بَلَی
مَن مزن نامین ... آ توه ارواحین بودا یَی  >> Mahatma Buddha
راها گِران.
توه ارواح ... مَی واجه  بودا  گوَشیت
چار  حَقین حبَر >> The Four Noble Truths
۱. زند  درد اِنت ءُ  دور >>1. Life is pain
۲.  درد  ءُ دور ئَی سوَب
پَه وَتی جند ئَی سوت ءُ نَپا
سِلّ ءُ ناهودگین  واهَگ  اَنت >> Pain comes from wrong desires
۳. زند ئَی درد ءُ غمان اِی علاج
نون  اِش اِنت:
وت سری .. وت گلائی ءُ  ناهودگین واهگان
گار ءُ بنگوَج کن  اِت:Such desires should be overcome
۴. هشت تَلین ...  هشت پهناتین راها گِر  اِت:by taking the Eightfold Path
اَوَّلی ... رژن ئَی راه ...
زانگ ءُ زانتکاری ئی راه >> Right Knowledge
دوُّمی ... واهگ ءُ نِیَّت ئَی نیکی >> Right Purpose ءُ
سَی یُمی ... حقگوَشی.. نیک گفتاری ءُ
نیک گالی ئَی راه >> Right Speech
چارُمی ... نیک کرداری ءُ ... گون شرَف
زند ئَی گوَازینگ  اِنت >> Right Conduct
پنچمی ...  اَچ حرام واریا رستگاری ئَی راه >> Right Livelihood
شَشُّمی ... نیکین جُهدان اِی راه >> Right Struggle / Efforts
هَپتُمی ... چَمّ ءُ زِرد ئَی پَچی.. دَهر ئَی شرزانَگی >> Right Awareness
هشتُمی ... نیکین زگر ءُ ... دل ئَی
شرگداری ئَی راه >> Right Meditation
رُژن  ءُ نِروانا  >> Enlightenment, Nirvana
دایِم جلشکوکین  روچی یَی دیدار
ای  راه  ئَی آخر سری منزل اِنت.
واجهان .. بانکان.. بیلِیان .. هَمبلان ...
براهُندگان:
زند بی روچ ئَی رُژنا ... نبیت !
واجهان .. بانکان .. بیلیان .. همبلان ...
براهندگان:
بیا  ... ءُ  هِمَّت  کَن  اِت
کُشتگین روچا  زندگ کن اِت  ... نوک سرا
من هگَت  پَه امیت  زندگان
سَکّان ... ای  دهر ئَی کِجّینَگان
روچ ئَی نوک زندی ئَی ... نوکین بامی یَی
رهچار    بان.
من په ای کشتگین روچا
هَدّیره وی پَیم کنان
من نَهِلّان  کرودی  ببیت  روچ ئَی قبر
من چّه شگرب ... چه مگرب ...
دَم ءُ چوفّ  یاد گِران
بِکّ   ءُ مُلّا   ءُ مُنجار   بان
دل گون زگری  دَیان
ءُ  پَدا ...
دوتّ ءُ کاه ... آه ءُ پِریات ءُ زاری کنان
شَیر ءُ لیکّو  جنان
ایشی  ءُ  آئی یَی ... دست چُکان ءُ پاد
ایشی ءُ آئی یَی نَدر ءُ حیرات بان
من بلوچان اِی پادان کَپان
جاک ءُ کوکّار ءُ صلوات کنان
بودکاران  جَلشکوکین  روجا  پدا
بود کاران جلَشکوکین روچا پدا.
بود کنت روچ ءُ چَمّان وتی پاچ کنت
روچ ئَی بچکندگان اِی پدا بام دنت
بام دنت ءُ پدا رژن ئَی گوَربام بیت
روچ  گون نوکین زندی سرا چست کنت
برکتا روچ ئَی برانزان اِی ... رُژن  تِجیت
گوَار*گ ءُ آسُمی پُلّ ءُ گوَنگ رُدیت
بو .. زبادان اِی ... تالان ... ءُ هامین بیت
کوردیدی ... نَزانتی ... په بیه  گار بیت
چَمّ دل ئَی  پاچ بنت
راج ءُ مهلوک پدا سار بیت
هر بلوچی  بلوچ مُلک ئَی گموار بیت
هر کسی کار کنت
کس نه کسّی سرا بار بیت
*فاضل ءُ *دُرَّک ءُ توکلی مست ءُ
*گلخان نصیر ءُ * سَیَد جان  ئَی شاگین وطن
گُل زمین
سَبز  ءُ  آزات  ءُ  آباد بیت
نَی غلامی یَی شهمات بیت
نَی که پاکار  ءُ  نَی کَسّی  سردار بیت
نَی کسی چُند ءُ چانیگ ئَی چمدار بیت
نَی کسی لنگر*  ءُ وار  ءُ  بی شام بیت
بام دَنت  ءُ پدا  رُژن ئَی گوَربام بیت.
واجهان .. بانکان .. بیلیان ... همبلان
براهندگان ...
{ دکتران ... دانشوران }
مرچی همراه بَیت ... یا نه بَیت
صَدِّق ءُ دلجمان من
که  شپ گار بیت
بام دنت ءُ مرادان اِی گوَربام بیت
نام لَگوران اِی رسوا سَرِ بام بیت
هِمّت ءُ غیرت ئَی نام وژنام بیت
شاه طبین چاکر ءُ
میرین گوَهرام ئَی
دُرّین  بلوچ ملک ئَی
زندگ  پدا نام بیت.
روچ ئَی برانزان اِی دیما
لگوران اِی رَند ءُ پد ئَی
چَمّ ءُ سر  ... جَهل  بنت.
شیره زالان ءُ هم شیره مردان اِی  اوبادگ ئَی
چَمّ ءُ سر ... بُرز  بنت ...
ءُ ... دل اِش
وَشّ ءُ شاتکام بیت.
نا تِپاکی ئَی روچ گار بنت
راج ءُ لشکر بلوچان اِی همگام بیت