( بلوچۓ ریشَگ )

 

( بلوچۓ ریشَگ )

 بلوچی هر بلوچۓ   ٹهل  وُ   شان إنت

بلوچی   مئ  شمئ    ماتی    زُبان إنت

بلوچی   هر  بلوچۓ  نام   وُ   ننگ ءُ

بلوچی  مئ   شمئ   نام   وُ  نشان إنت

بلوچی   هر  بلوچۓ    ساه   و  جان ءُ

بلوچی   مئ   شمئ   شَهدِین  زبان إنت

چه روُ ایرشُت  بِِگِر   تا   روُ دَرآتکءَ

چه  پَهکینان    کدیمی   مئ  زُبان إنت

مہ    دنیائَ    نگندی   مَٹ    وُ    دَروَر

که   بُنگیجی   کدیمی    پا رسیان   إنت

مہ  ائ  باره   گوشیت،  واجه  الفبا ئن

اوستا ،   پهلوی ،   مادۓ     میان إنت

بلۓ  ، مَرچی  چِه   پَش کپتہ  زُبانءَ

چو ڈونڈے  کپَتَگءُ  موُرینک  وَران إنت

مَہ   آسُ  و اَنگران  کپَت ءَگ  بلوچی

چَہ   بُندر   ریشگانی   گؤن  سُچان إنت

شَہ  چار  نیمَگ  پِرِنچَگ  بوت  بلوچی

چو  مَشکۓ   پَٹِت  وُ   آپی   رچان إنت

عرب،  اردو  وُ  اَؤگان  دَست  پَہ  دَستہَ

دِگہ   دیمئ    مئئ    پارسی   زُبان إنت

شموُشگ  بوت چَہ  مَجگءَ   آ بلوچی

زَبَردستین    زُبانان    هوُر   بُوان إنت

بلؤچان ءَ    چِه  حالِئ    گِپت  مَروچی

وَتی   ماتی   زُبانءَ   دور   بُوان إنت

إے  وانؤگر،   آ   زانتکار  و  زُباں پؤل

امینۓ   إئ   دو  گالءَ   شّر   بزان إنت

گِران   دستاں     کپان    پادانی   دیما

که  وانوگر   وَتی    کدرءَ    بِزان إنت

بِکن     درمان      مروچی      نادراهی

مکن  نیمّون   که  باندا   دیر   بُوان إنت

بُواننت   ؤ    نُبیّسنت  هر   چه    زاننت

مَہ  إے  دَرگت   رَد  ؤ  رَهبَند  مزان إنت

چَہ   پیشاَ   مئ  زُبان  بوتَگ  جَریدَگ

شُمئ   مَنّا    زُبان  دارَگ   گِران إنت

بِجَن  جار  وُ  بِکش  کوکار  وُ  بانگۓ

که   آسَر   إے    دَواءِ   هر  دِلان إنت

که  وَش بَهت  و  مَزَن نام إن   بلوچ مئ

بلوچۓ    ریشَگ     اِژ    ایرانیان  إنت

بلوچی   هر  بلوچۓ    چَمّ    ءُ    ٹیلَک

ءُ پارسی،  روژنی ،  مَئ  رَه  نشان إنت

 محمدامین دهواری نژاد

www.dehvary.blogfa.com