( سید ءِ شکلیں ارواه ءَ دزبندی ءَ گوں )

مراد ساحر
( سید ءِ  شکلیں  ارواه ءَ  دزبندی ءَ  گوں  )
کمان میان په کهیبـے کاشیں  ملگوراں  که گواپین ایت
تمردانی دلاں  سِنگیں  چو برپ کنت و آپین ایت
مه بئـے ورنایی ِء سارتیں  سباهانی گل ءَ ایمن
بگر زند ءِ انان ءَ مرک ءِ چیریں  تلک ءَ سراپین ایت
بزاں  داں زندگ انت آ تلوس ایت په وشدلیں  ساعتـے
اگاں  په مپت و ناهودگ دل ءَ کسی ئیگ ناپین ایت
اے شر و گندگی اصل ءَ کن انت گوں  نیت ءَ سیادی
به بیت کُ ٹ زرگر ءِ دل تنگو ءَ  پاکیں  اِلاپین ایت
نزاناں  که کجا چیر انت امیتانی گلیں  باندات !
من ءَ انگر کتگ رنجاں  ابیتکی پاداں  تراپین ایت
من جزماں  الم ءَ شنز ایت روچـے ترانگانی نود !
گمانی سِل و لیگاریں  زران ءَ پشلاپین ایت
کج انت آ ماه ءِ دَرور گرمیں امبازاں  به گیپت«ساحر»
زمستان ءَ ترا ماں  بُن تلاں  بنیڈ ءِ به واپین ایت


                                          *  *  *