گم کن

گم کن  

عابد آسکانی

او کپوت سبزیں کوکواں کم کن
ساهتے ساسار ءُ دمی دم کن
جیڑگءَ زردءِ ٹپ نه بنت درماں
مارا دردانی دوستءُ مهرم کن
تیوکءُ تهنا ءَ ترا نیلاں

من تئی همراهاں هاترءَ جم کن
او زِر ءِ لهڑ ءُ تپتگیں جمبر
انگریں ارسءِ گوارگءَ تم کن
دل زهیرانی سر شماں درنگ انت
یک شپے بیا ءُ یک شپے شم کن
تو که په وشی منزلءَ رست ۓ
چه وتی هالءَ مارا الّم کن
عابد زورانی کیدءُ بندءَ اِنت
گم جتیں دُرگُل گوں گماں گم کن 

پهره..وبلاگ فرهنگی هنری وادبی بلوچستان