پـــــیـــــــــــداک اِنت

پـــــیـــــــــــداک اِنت
سید ظهورشاه هاشمی
بـــے بـــهـــاریں بهـار پــیـــداک اِنت
 بـــے کــــراریں کـــرار پــیـــداک اِنت
ڈاه دیــــاں کــور ءَ داشتگیں مرداں
وهــد ءِ تــوپـّانیں هار پــیـــداک اِنت

هُشکیں دستاں گوں باریں ارماناں
کاســــــــد ءِ راهـــوار پــیـــداک اِنت
کنت بــے جُست ءَ ملکموت ءِ میار
گِـــیــنــگریں بـے میار پــیـــداک اِنت
داشتگ اَنت پرچا وهدءَتْرندیں رواج
کــئــی وَشّیـں توار پــیـــداک اِنت ؟
بار ءُ سربار اِش کـیــگد ءِ زهیر اَنت
اُشـــتــــرانی کـــتـــار پــیـــداک اِنت
کـَے بدنت «هانُل»ءَ« سید » هالے
کــــه تــئـی اُمّیت وار پــیـــداک اِنت


                                    ************