گلیں راج ءِ چم ءُ پونزیں

سید ظهورشاه هاشمی
گلیں راج ءِ چم ءُ پونزیں
گِهیں ملک ءِ ماه و روچیں
مئے سر په ٹهل بُرز انت
که درآتکگیں بلوچیں

بکن سنگ ءَ سر بدیاں
که په دژمناں روا انت
مروچ جلگهاں بدانیگ
په نپت ءُ بیر سوچیں
پدا درد ٹومبگ ءَ انت
بدیں کست ءُ کینگانی
په مڑایـے زهرگان اش
گوں جگر جهان بدوچیں
چشیں دل کجا چے بیار انت
ءُ بچار انت زهر کـَنِکـّی
که نوشیں دیدگان اش
دوسریں شپاں گوں موچیں
په میار ءُ کؤل بکشیں
ده هزار هزاری بیراں
که مڑا ءُ منگهانی
گِه ءُ منگهیں بلوچیں

                    ٭  ٭  ٭