تپاکی

تپاکی
زان ئـــے که تپاکی ء ا-  اے گژن بدیں سوچ ایت
مهرانی تمندان ءا - گوں همدگر ءا  دوچ ایت
مهرانی برانز چست بنت چو آچ شلام کش انت
بـــے تاکتیں جانان ءا - زورے دگر ءا  کوچ ایت

هر جاه که په زند چست انت دنیایء تها مردم
بیلیء سلاه و شؤر  آوانءا  په ره موچ ایت
اے شنگریں زلماں چو -  گوات گپتگ انت مئے لرزءا
آ شر همے زان انت چون تاکت ءا بهر بوچ ایت
وهدے په مراد چست بئے استار تئی دامن
مهر ءا  گوں گورامباز بئے اشکـے دگر ءا  روچ ایت
مهرانی میار بو  تو - هم تاکت و هم ساه ءا
او تهل که اے  زلم هم ؛ بـے ایشی ترا پوچیت

                                               کریم بلوچ ـ تهل

۱۹۸۹ ء مارچ ء بلوچی مهتاک ء منت ءا .